19 తేదీ వరకు మా ఎన్రోల్మెంట్ 30 చేసి చూపిస్తాం...

 తాత గుడి సెంటర్ నూతనంగా ప్రారంభించిన 'ప్రీ ప్రైమరీ" కేంద్రంలో శనివారం సాయంత్రం వరకు విద్యార్థుల సంఖ్య 30కి పెంచి చూపిస్తామని తల్లిదండ్రులు ఆ పాఠశాల ఉపాధ్యాయురాలు శిరీష మండల విద్యాశాఖ అధికారి కిహామీ ఇచ్చారు.

 బుధవారం నాడు భద్రాచలం సర్పంచ్ పూనెం. కృష్ణ మండల విద్యాశాఖ అధికారి బెక్కంటి శ్రీనివాస్ రావు ఆ పాఠశాలలో సందర్శించి ప్రభుత్వం నుండి వచ్చిన పాఠశాల విద్యార్థులకు ఏకరూప దుస్తులు,బెల్ట్,టై, పుస్తకాలను పంపిణీ చేశారు.

 ఈ సందర్భంగా సర్పంచ్ కృష్ణ మాట్లాడుతూ ప్రైవేట్ పాఠశాలల్లో ఫీజుల విషయంలో పలు ఫిర్యాదులు తమ దృష్టికి వచ్చాయని కాబట్టి గ్రామస్తులందరూ ప్రభుత్వం అన్ని రకాల వసతులతో ఉచిత విద్యను రాష్ట్ర ప్రభుత్వం ఎంతో ప్రతిష్టాత్మకంగా నిర్వహిస్తుంది కాబట్టి ప్రతి విద్యార్థి ఈ అవకాశాన్ని సద్వినియోగం చేసుకోవాలని గ్రామస్తులకు పిలుపునిచ్చారు.

 ఈ కార్యక్రమంలో గ్రామ సర్పంచ్ పి కృష్ణ తోపాటు మండల విద్యాశాఖ అధికారి బెక్కంటి శ్రీనివాస్ రావు, కాంప్లెక్స్ ప్రధానోపాధ్యాయులు జాన్సన్, పాఠశాల ప్రధానోపాధ్యాయుడు పాపయ్య, ప్రైమరీ పాఠశాల ఉపాధ్యాయిని శిరీష, తల్లిదండ్రులు, ఉపాధ్యాయులు  పాల్గొన్నారు.

భద్రాచలానికి మూడో వంతెన: కృతజ్ఞతగా మోదీ చిత్రపటానికి పాలాభిషేకం

 

భద్రాచలం ప్రాంత ప్రజల చిరకాల రైల్వే కలను సాకారం చేసే దిశగా కేంద్రంలోని నరేంద్ర మోదీ ప్రభుత్వం పాండురంగాపురం–భద్రాచలం–మల్కాన్‌గిరి 173.61 కిలోమీటర్ల నూతన రైల్వే లైన్‌ను మంజూరు చేయడాన్ని స్వాగతిస్తూ భద్రాచలంలో బీజేపీ శ్రేణులు ప్రధాని శ్రీ నరేంద్ర మోదీ చిత్రపటానికి పాలాభిషేకం నిర్వహించారు.

అంతకుముందు అంబేద్కర్ సెంటర్‌లో రాజ్యాంగ నిర్మాత డాక్టర్ బి.ఆర్. అంబేద్కర్ విగ్రహానికి పూలమాల వేసి నివాళులర్పించారు.

ముఖ్య అతిథిగా పాల్గొన్న బీజేపీ భద్రాద్రి కొత్తగూడెం జిల్లా అధ్యక్షులు శ్రీ బైరెడ్డి ప్రభాకర్ రెడ్డి మాట్లాడుతూ.. భద్రాచలం ప్రజలు ఎన్నో ఏళ్లుగా కోరుతున్న రైల్వే కనెక్టివిటీ కోసం గతంలో పాండురంగాపురం–సారపాక వరకు సుమారు 8 కి.మీ. రైల్వే లైన్‌ను కోరుకున్నామని, అయితే మోదీ ప్రభుత్వం పాండురంగాపురం నుంచి భద్రాచలం మీదుగా మల్కాన్‌గిరి వరకు 2864 కోట్లతో 2031లోగా పూర్తి చేసేలా 173.61 కి.మీ. రైల్వే లైన్‌ను మంజూరు చేయడం గొప్ప విషయమన్నారు.

ఈ ప్రాజెక్టులో భద్రాచలం వద్ద గోదావరిపై మూడో రైల్వే వంతెన నిర్మాణం  జరగడం ద్వారా భద్రాచలం నేరుగా రైల్వే నెట్‌వర్క్‌తో అనుసంధానం కానుందని తెలిపారు. ఇది దక్షిణ అయోధ్యగా ప్రసిద్ధి చెందిన భద్రాచలం ఆధ్యాత్మిక పర్యాటకాన్ని పెంచడంతో పాటు, ఏజెన్సీ గిరిజన ప్రాంతాల విద్య, వైద్యం, ఉపాధి, వ్యాపార అభివృద్ధికి* ఎంతో దోహదపడుతుందన్నారు.

ఇప్పటికే మంజూరైన ఈ ప్రాజెక్టుకు సంబంధించి భూసేకరణ ప్రక్రియను రాష్ట్ర ప్రభుత్వం వేగవంతం చేసి, ఎలాంటి జాప్యం లేకుండా రైల్వే శాఖకు భూమిని అప్పగించాలని బైరెడ్డి ప్రభాకర్ రెడ్డి కోరారు.

ఈ కార్యక్రమంలో బీజేపీ నాయకులు కుంజా ధర్మా, కుంజా సంతోష్, కందుల రాంకిషోర్, పసుమర్తి సతీష్, అట్లూరి రఘురామ్, ములిశెట్టి రాంమోహన్ రావు, ముత్యాల శ్రీనివాస్, కండ్రపు త్రినాథ్ రెడ్డి, నూప రమేష్, రామెళ్ళ రాజశేఖర్, పెద్ది జగపతి బాబు, నిడదవోలు నాగబాబు, తాటిపాముల ఐలయ్య, ముత్యాల చంద్రశేఖర్, దేవరపల్లి వెంకటేశ్వర్లు, ములిశెట్టి నిఖిల్, షేర్ శ్రీను, జీవా, మాలోత్ సాయి, కారం చిన్నయ్య, కోర్స గంగరాజు, సోలం చంటిబాబు* తదితరులు పాల్గొన్నారు. 

ఈ నెల 17 న తెలంగాణా విమోచనా దినోత్సవాన్ని జరపాలి

 

 శుక్రవారం భద్రాద్రి కొత్తగూడెం జిల్లా భద్రాచలం మండల కేంద్రంలో భారతీయ జనతా పార్టీ మండల అధ్యక్షులు ముత్యాల శ్రీనివాస్ ఆధ్వర్యంలో రాష్ట్ర నాయకులు జిల్లా నాయకులు మరియు మండల నాయకులు  ఈనెల సెప్టెంబర్ 17 వ తారీకు నాడు కోరినారు.తెలంగాణా విమోచనా దినోత్సవాన్ని రాష్ట్ర ప్రభుత్వం అధికారికంగా జరపాలని, అదేవిధంగా భద్రాచలంమండల కేంద్రంలో అధికారికంగా జరపాలని భద్రాచలం మండల MRO గారికి వినతి పత్రం ఇవ్వడం జరిగింది. సెప్టెంబర్ 17 వ తారీకు నాడు నిజాం రాజుల నిరంకుశ పాలనను అంతం చేసి అనేక పోరాటాల వల్ల, ఎంతోమంది ప్రాణత్యాగం చేస్తే తెలంగాణ వచ్చింది, కాబట్టిఈ నెల సెప్టెంబర్ 17వ తారీఖు నాడు తెలంగాణ రాష్ట్రం అధికారికంగా జరుపుకోవాలని కోరినారు.

ఈ కార్యక్రమం లో రాష్ట్ర కార్యవర్గ సభ్యులు కుంజాధర్మ . జిల్లా కార్యవర్గ సభ్యులు ములిశెట్టి రామ్మోహన్ రావు, జిల్లా నాయకులు నిడదవోలు నాగబాబు, ఓబీసీ జిల్లా ఉపాధ్యక్షులు దేవరపల్లి వెంకటేశ్వర్లు, ఓబీసీ జిల్లా నాయకులు గుమ్మాల వెంకటేశ్వర్లు సీనియర్ నాయకులు ఆవుల సుబ్బారావు , మండల ప్రధాన కార్యదర్శులు ముత్యాల చంద్రశేఖర్,  చెల్లిబోయిన వెంకన్న మండల ఉపాధ్యక్షులు షేర్ శ్రీనివాస్, గంగులకుర్తీ రామాచారి, యువ మోర్చా నాయకులు ములిశెట్టి నిఖిల్, ఓబిసి మండల ప్రధాన కార్యదర్శి. జంపాల ప్రభాకర్ తదితరులు ఫాల్గొన్నారు.  

 

సుభాష్ నగర్ వాసుల 'ఆశాజ్యోతి' ఎయిడెడ్ స్కూల్

 భద్రాచలం సుభాష్ నగర్ కాలనీలో పనిచేస్తున్న *గోపాలకృష్ణ ఎయిడెడ్ ప్రాథమిక పాఠశాల స్కూల్ గ్రామస్తుల ఆశాజ్యోతి* గా నిలుస్తుందని భద్రాచలం గ్రామపంచాయతీ సర్పంచ్ *పూనెం.కృష్ణ* అభిప్రాయం వ్యక్తం చేశారు.

  బలహీన బడుగు వర్గాలకు అభ్యున్నతి కోసం మూడు దశాబ్దాల కాలము నుండి అంకితభావంతో సుభాష్ నగర్ లో *ఈ పాఠశాల పేద విద్యార్థులకు ఆశాదీపంగా పనిచేస్తుందని వార్డు నెంబర్ గోపి* తెలిపారు.

 ఈ పాఠశాలల *1995 ఒక చిన్న గుడిసెలో* ప్రారంభమైన ఈ పాఠశాల 2022 లో జిల్లా స్థాయిలో గుర్తింపు తెచ్చుకొని జిల్లా కలెక్టర్ చేతులమీదుగా జిల్లా ఉత్తమ ఉపాధ్యాయ అవార్డు పొంది అనంతరం 2023 సంవత్సరము లో రాష్ట్ర స్థాయిలో గుర్తింపు తెచ్చుకొని ఆ *పాఠశాల ప్రధానోపాధ్యాయిని రాష్ట్ర విద్యా శాఖ మంత్రి చేతుల మీదుగా రాష్ట్ర ఉత్తమ ఉపాధ్యాయగా అవార్డు స్వీకరించటం ఆమె కృషికి నిదర్శనమని* వార్డు మెంబర్ గోపి హర్షద్వనాల మధ్య ప్రధానోపాధ్యాయుని కృషిని అభినందించారు.

ప్రస్తుతం ఈ పాఠశాలలో చదివే *ప్రతి విద్యార్థి తల్లిదండ్రులు కూడా ఇదే పాఠశాలలో చదువుకున్నారని* ఆ పాఠశాల ప్రధానోపాధ్యాయిని *వేంపాటి ఉషారాణి చెప్పటంతో అక్కడ ఉన్న ప్రతి ఒక్కరు ఆశ్చర్యంతో ఆనందం* వ్యక్తం చేశారు.

*1996 గోదావరి వరదల్లో పాఠశాల మొత్తం శిధిలావస్థకు* చేరి కింద పడిపోవటంతో దిక్కుతోచని స్థితిలో *ఆ కాలనీవాసులు నానాజీ వారిని ఒప్పించి మెప్పించి తాత్కాలిక రేకుల* షెడ్డు నిర్మించి 2020 అదే షెడ్లో పాఠశాలను నిర్వహించారు.

 అనంతరం పలుమార్లు వరదల్లో రేకుల షెడ్డు కూడా ప్రమాదంగా మారటంతో ఎప్పుడు షెడ్డుపడి విద్యార్థులకు ఇబ్బంది కలుగుతుందో అని ముందస్తు జాగ్రత్తతో ప్రధానోపాధ్యాయిని *ఐటిసి పేపర్ బోర్డ్ సారపాక వారి సహాయం కోసం పలుమార్లు అభ్యర్థన* చేయటంతో కంపెనీ ప్రతినిధులు సర్వే నిర్వహించి పాఠశాల అవసరాన్ని గుర్తించి *2022 కరస్పాండెంట్, ప్రధాన ఉపాధ్యాయుని సమన్వయంతో పాఠశాల భవన నిర్మాణానికి 20% ఆర్థిక సహాయాన్ని ఐ టి సి కంపెనీకి అందించి నూతన పక్క భవనాన్ని నిర్మించి* పాఠశాల ప్రాంగణం చుట్టూ ప్రహరి గోడ నిర్మాణంతో *జిల్లాలోనే ఒక మోడల్ స్కూల్ మైమరిపించే విధంగా పాఠశాల పనిచేస్తున్నట్లు గ్రామస్తులు నూకా రత్నం* తెలిపారు.

 ప్రస్తుతం ఈ పాఠశాల పక్కా భవనం *పిల్లలందరికీ పక్కా రన్నింగ్ వాటర్ తో కూడిన మరుగుదొడ్లు,వాష్ బేసిన్* అన్ని రకాల వసతులు ఈ పాఠశాల సొంతం అని వారు అభిప్రాయం తెలియజేశారు.

  *గ్రీన్ భద్రాద్రి వారి సహాయ సహకారాలతో పాఠశాల ప్రాంగణం మొత్తం పెద్దపెద్ద వృక్షాలతో పచ్చని వాతావరణానికి ఈ పాఠశాల కేరాఫ్ అడ్రస్* గా మారింది అని చెప్పక తప్పదు.

 ఈ నేపథ్యంలో ఈ పాఠశాలలో *ప్రతి విద్యార్థి తెలుగు, ఇంగ్లీష్,గణితం అంశాలలో కనీస అభ్యసనా సామర్థ్యాలు సాధించి మౌఖికంగా ఏ లెక్కల అడిగినా టక టక చెప్పి అందర్నీ అబ్బురపరచటం గమనార్హం* అని మండల విద్యాశాఖ అధికారి బెక్కంటి శ్రీనివాస్ రావు అభిప్రాయం వ్యక్తం చేశారు.

 అనంతరం *గ్రామ సర్పంచ్ చేతులమీదుగా విద్యార్థులందరికీ నూతన ఏకరూప దుస్తులు* అందించారు. ఈ నేపథ్యంలో గ్రామస్తులు అందరి సమక్షంలో ప్రధానోపాధ్యాయని, మండల విద్యాశాఖ అధికారి *పాఠశాలకు విచ్చేసిన గ్రామ సర్పంచ్ పూనెం. కృష్ణను ఘనంగా శాలువాతో సత్కరించారు.*

ఈ కార్యక్రమంలో గ్రామ *సర్పంచ్ పూనెం.కృష్ణ, వార్డు నెంబర్ కావూరి.గోపి,మండల ఏపిఎం, టైలర్ దాసు, పాఠశాల క్లస్టర్ రిసోర్స్ పర్సన్ గోపికృష్ణ, ఎండిఎం నిర్వాహకురాలు నూకరత్నం* తదితరులు పాల్గొన్నారు.

పూల బొకే ఇచ్చి ఆశీర్వదించారు.

గాదె మాధవ రెడ్డి అస్వస్థకు గురై హైదరాబాద్ కిమ్స్ హాస్పిటల్ లో వైద్య సేవలు తీసుకొని భద్రాచలం వచ్చిన సందర్భంగా ఎందరో రాజకీయ నాయకులు ప్రజాప్రతినిధులు ఆత్మీయులు బంధువులు స్నేహితులు అలాగే కళాకారులు. ఉపాధ్యాయులు, మిత్రులు శ్రేయోభిలాషులు, చాలామంది పరామర్శించి ,త్వరగా కోలుకోవాలని ఆకాంక్షించారు.

ఈరోజు కళాబంధు మేము సైతం కళా సేవలో తెలంగాణ సేవా సంస్థ సభ్యులు బెల్లంకొండ దుర్గా కోమలి, మరిగంటి పద్మావతి, కత్తి కనకదుర్గ , జెమిని రామలక్ష్మి, కోట దుర్గాప్రసాద్ అందరికన్నా భిన్నంగా గాదె మాధవరెడ్డి  స్వగృహానికి చేరుకొని వారి యొక్క కవిత్వంతో.. పాటలతో.. అలరించి ఎంతో ప్రేమతో త్వరగా కోలుకోవాలని పూల బొకే ఇచ్చి ఆశీర్వదించారు.

సాయి బాబా స్వర్ణ సింహాసనానికి లక్ష విరాళం

భద్రాచల వాసి ప్రముఖ పర్యావరణ ప్రేమికుడు భద్రాచలం గ్రామాన్ని హరిత భద్రాద్రి గా తీర్చి దిద్దాలని గత 15 స. లు గా వారి బృందం తో కలసి తీవ్రం గా కృషిచేస్తున్న ''వృక్ష మిత్ర '' రాష్ట్ర ప్రభుత్వ అవార్డు గ్రహిత లయన్ డా. గోళ్ళ భూపతి రావు కు ఎన్నో ప్రశంసలు. భద్రాచలం గ్రామం పచ్చదనం తో ఉంది అంటే అత ని పట్టుదల అని చెప్పటంలో ఎటువంటి సందేహం లేదు.

 అంతే కాకుండా స్వయం గా దానగు ణం గల వీరు ఎన్నో సేవ కార్యక్రమాలు ని ర్వహిస్తున్నారు. అడిగిన వారికి కాదనకుండా సహయం చేయటం, మొక్కలు పంచడం వీరికి అలవాటు. భద్రాచలం లో ఉన్న దేవాలయాలకు వారి కుమారుడు డాక్టర్ గోళ్ళ వరుణ్ కుమార్ ఎమ్ ,డి , యు. ఎస్. ఏ., వారు కూడా విరాళాలు అందచేశారు. వీరి చిన్నతనం లో స్థాపించిన సాయిబాబా ఆలయం వారికి స్వర్ణ సింహాసనం తయారు నిమిత్తం గోళ్ళ భూపతి రావు, మంజుల రాణి దంపతులు ఒక లక్ష విరాళం అందచేశారు. 

ఈ సందర్బంగా గోళ్ళ భూపతి రావు మాట్లాడుతూ ప్రతి వారు వారి జీవితం లో కొంత భాగం పేదవారికి సహాయం చేయడం అలవాటుగా నేర్చుకోవాలని ఇతరులకు ఆదర్శం గా నిలవాలని తెలియ చేసారు. అదేవిధంగా నా ఈ సమాజ సేవ కార్యక్ర మాలను కొనసాగిస్తూ పర్యావరణ పరిరక్షణకు ఎల్లప్పుడు ముందు వరుసలో ఉంటానని తెలియచేశారు. ఈ కార్యక్రమం లో ఆలయ అధ్యక్షులు శ్రీ ఆదినారాయణ,శ్రీ చా రుగుళ్ల సుబ్బా రావు కోశాధికారి వెంకటేశ్వర రావు, శ్రీ కడలి నాగరాజు మరియు ఆలయ అర్చకులు శ్రీ రామ్ శర్మ తదితరులు పాల్గొన్నారు

విద్యార్థుల ధ్రువపత్రాల జాప్యాన్ని వెంటనే పరిష్కరించాలి

ప్రభుత్వ ఉద్యోగాల నియామకాలు, పీజీ ప్రవేశాల ప్రక్రియలు కొనసాగుతున్న వేళ విద్యార్థులకు అవసరమైన కుల, సమగ్ర, ఆదాయ, నివాస ధ్రువపత్రాల జారీలో జరుగుతున్న జాప్యాన్ని వెంటనే పరిష్కరించాలని కోరుతూ భద్రాచలం బీజేపీ ఎస్టీ మోర్చా, యువమోర్చా ఆధ్వర్యంలో భద్రాచలం తహసీల్దార్ వై. రవికుమార్కు వినతిపత్రం సమర్పించారు.

ఈ సందర్భంగా *బీజేపీ ఎస్టీ మోర్చా రాష్ట్ర ప్రధాన కార్యదర్శి కుంజా సంతోష్* మాట్లాడుతూ, మీ సేవ ద్వారా దరఖాస్తు చేసిన అనంతరం సంబంధిత సిబ్బంది పరిశీలన, ఆర్‌ఐ ధృవీకరణ, తహసీల్దార్ స్థాయి ఆమోదం వంటి వివిధ దశల్లో సమన్వయం లోపించడం వల్ల విద్యార్థులు ఇబ్బందులు ఎదుర్కొంటున్నారని తెలిపారు.

ఉద్యోగ, విద్యా ప్రవేశాల గడువులు సమీపిస్తున్న నేపథ్యంలో *పెండింగ్ దరఖాస్తులను ప్రత్యేకంగా సమీక్షించి, అత్యవసర దరఖాస్తులకు ప్రాధాన్యత ఇచ్చి ధ్రువపత్రాలను త్వరితగతిన జారీ చేయాలని* కోరారు. అలాగే విద్యార్థులు తమ ధ్రువపత్రాల దరఖాస్తు స్థితిని సులభంగా తెలుసుకునేందుకు తహసీల్దార్ కార్యాలయంలో ప్రత్యేక సహాయ కేంద్రాన్ని ఏర్పాటు చేయాలని కోరారు.

అదేవిధంగా, *ఉద్యోగం లేదా విద్యా ప్రవేశానికి గడువు ఉన్న విద్యార్థులు* తమ పెండింగ్ ధ్రువపత్రాల వివరాలను బీజేపీ సహాయ కేంద్రానికి పంపితే, వారి దరఖాస్తు స్థితిని సంబంధిత అధికారుల వద్ద తెలుసుకుని, అవసరమైన మేరకు అధికారుల దృష్టికి తీసుకెళ్లి ఫాలోఅప్ చేస్తామని కుంజా సంతోష్ తెలిపారు.

📱 *వాట్సాప్ సహాయ కేంద్రం: 9866060034*

విద్యార్థులు మీ సేవ దరఖాస్తు సంఖ్య, ధ్రువపత్రం పేరు, దరఖాస్తు తేదీ, ఉద్యోగం/ప్రవేశానికి సంబంధించిన గడువు వివరాలను పై నంబర్‌కు వాట్సాప్ చేయాలని కోరారు.

ఈ కార్యక్రమంలో యువమోర్చా నాయకులు ములిశెట్టి నిఖిల్, అన్నెం సాయి లక్ష్మణ్, కిలారు అంజి, గంగులకుర్తి రామాచారి తదితరులు పాల్గొన్నారు. 

 

అక్రమ అరెస్ట్ ను ఖండించండి

 

ఉమ్మడి ఖమ్మం జిల్లా ఎంఎల్సి తాతమధు అక్రమంగా అరెస్టును చర్ల మండల బిఆర్ యస్ పార్టీ కన్వీనర్ దొడ్డి తాతారావు కో కన్వీనర్ ఐనవోలు పవన్ తీవ్రంగా ఖండించారు.

ఎన్నికల్లో ప్రజలకు ఇచ్చిన 6 గ్యారంటీలు 420 హమీలు అమలు చేయాలని రాష్ట్ర ప్రజలకు కోసం ఉద్యమాలు చేస్తుంటే కాంగ్రెస్ చూడ లేక ఓర్వ లేక బిఆర్ఎస్ పార్టీ ఎమ్మెల్యేలు ఎంఎల్సిలను అసెంబ్లీలోకి వెళ్ళనీయకుండా పోలీసులతో కొట్టించడం, కింద పడేసి తొక్కడం మహిళ ఎంఎల్ఏలు అని చూడకుండా మెడ పట్టుకుని తోయడం చీరలు లాగి అవమానించడం చరిత్రలో ఎప్పుడు జరగని ఈ చర్యను చూసి తాతమధు  చేసిన వ్యాఖ్యలను పట్టుకుని ప్రజా సమస్యలకు పక్కదారి పట్టించే ప్రయత్నం చేస్తున్నారు. తాతమధు  ఆ సందర్భంలో అన్న మాటలు గౌరవనీయులైన స్పీకర్ గారికి బాధ కలిగించినటైతె తన వ్యాఖ్యలను వెనకకు తీసుకుంటున్నాను అని పత్రిక ముఖం తెలియజేసిన అరెస్టు చేయడాన్ని తీవ్రంగా ఖండిస్తున్నాము. కాంగ్రెస్ ప్రభుత్వంలో మహిళలకు రక్షణ లేకుండా పోయింది ఎమ్మెల్యేలు ప్రజాప్రతినిధులైన మహిళలకే రక్షణ లేక పోతే సామాన్య మహిళల పరిస్థితి ఏంటి అని అడుగుతున్నాం నిన్న మహిళ ఎంఎల్ఏలకు జరిగిన అవమానం తెలంగాణ రాష్ట్ర మహిళలందరికి జరిగిన అవమానం కాబట్టి అసెంబ్లీ సాక్షిగా ముఖ్యమంత్రి క్షమాపణ చెప్పాలని డిమాండ్ చేశారు.

ఆదివాసీ విద్యార్థికి అండగా నిలిచిన భద్రాచలం – MBBS చదువుకు ₹1.20 లక్షల ఆర్థిక సహాయం

 

ములకలపల్లి మండలం, సీతాయిగూడెం గ్రామానికి చెందిన *కోయ ఆదివాసీ విద్యార్థి నక్క సంతోష్* తల్లిదండ్రులు లేకపోయినా, తన కష్టంతో చదువుకుని *NEETలో 424 మార్కులు సాధించి MBBS సీటు* సాధించాడు.

ప్రస్తుతం *Arundathi Institute of Medical Sciences*లో తనకు కేటాయించిన MBBS సీటును కొనసాగించేందుకు *08-09-2026 (మంగళవారం)లోపు ₹1,20,000/-* ఫీజు చెల్లించాల్సి ఉంది.

ఈ విషయాన్ని పత్రికల ద్వారా తెలుసుకున్న *భద్రాచలం ITDA ప్రాజెక్ట్ ఆఫీసర్ శ్రీ బి. రాహుల్ గారు* స్పందించి, నక్క సంతోష్ పరిస్థితిని పరిగణనలోకి తీసుకుని *ITDA ద్వారా ₹60,000/- ఆర్థిక సహాయం* అందించారు.

ఈ సందర్భంగా త్వరితగతిన స్పందించి ఆదివాసీ విద్యార్థికి అండగా నిలిచిన *ITDA PO శ్రీ బి. రాహుల్ గారికి ఆదివాసీ ప్రతినిధులు ప్రత్యేక ధన్యవాదాలు తెలిపారు.*

🔥🔥 *కేవలం ఒక గంటలోనే ₹60,116/- సమీకరణ!* 🔥🔥

ITDA ద్వారా అందిన ₹60,000/-కు అదనంగా అవసరమైన మిగిలిన మొత్తాన్ని సమీకరించేందుకు ఆదివాసీ నాయకులు, ఉద్యోగులు, దాతలు ముందుకు వచ్చారు.

*కేవలం ఒక గంట సమయంలోనే ₹60,116/-ను* వివిధ దాతల ద్వారా సమీకరించడం జరిగింది.

### 💐 *ఆర్థిక సహాయం అందించిన దాతలు*

1️⃣ *ITDA PO శ్రీ బి. రాహుల్ గారు* – ₹60,000/-

2️⃣ *టి. మధుకర్ గారు, గిరిజన సంక్షేమ శాఖ ఎగ్జిక్యూటివ్ ఇంజినీర్* – ₹11,116/-

3️⃣ *కుంజా ధర్మా గారు (BJP)* – ₹5,000/-

4️⃣ *తెల్లం రమణయ్య & అనురాధ దంపతులు – BCM* – ₹5,000/-

5️⃣ *కుర్సం ఎర్రయ్య & ఎస్. వెంకటలక్ష్మి దంపతులు, ఖమ్మం* – ₹5,000/-

6️⃣ *ఎం. రామకృష్ణా రెడ్డి గారు – DD Office* – ₹5,000/-

7️⃣ *కొండ్రు వీరస్వామి & కొండ్రు సుధారాణి దంపతులు* – ₹2,000/-

8️⃣ *CH. రమణ మూర్తి గారు, Sr. Asst., DD Office* – ₹2,000/-

9️⃣ *ఇర్పా నారాయణ గారు, Sr. Asst., DD Office* – ₹2,000/-

🔟 *బొర్ర రంగయ్య గారు, Jr. Asst., DD Office* – ₹2,000/-

1️⃣1️⃣ *ఈసం అశోక్ గారు, Jr. Asst.* – ₹1,000/-

1️⃣2️⃣ *గలిగ సురేష్ గారు, Jr. Asst., DD Office* – ₹1,000/-

1️⃣3️⃣ *ఎం. ప్రసాద్ గారు, Jr. Asst., DD Office* – ₹1,000/-

1️⃣4️⃣ *డా. ఎం. వీర నాయక్ గారు, PETC Principal* – ₹1,000/-

1️⃣5️⃣ *కోరస ఉమా మహేశ్వరరావు గారు, టీచర్* – ₹1,000/-

1️⃣6️⃣ *పూనెం కృష్ణ గారు, సర్పంచ్, భద్రాచలం* – ₹1,000/-

1️⃣7️⃣ *పాయం రవివర్మ గారు, Advocate* – ₹1,000/-

1️⃣8️⃣ *భవాని గారు, Superintendent, Engineering Section* – ₹3,000/-

💻 *ఆన్‌లైన్ ద్వారా వివిధ దాతల నుంచి – ₹11,000/-*

🔥 *ముఖ్యంగా, నక్క సంతోష్ MBBS అడ్మిషన్ కోసం అవసరమైన ₹60,000/- సమాజం నుంచి సమీకరించాల్సిన లక్ష్యాన్ని కేవలం ఒక గంటలోనే పూర్తి చేయడం జరిగింది.*

🙏 *ఒక ఆదివాసీ బిడ్డ డాక్టర్ కావాలనే కలకు అండగా నిలిచిన ITDA PO శ్రీ బి. రాహుల్ గారికి, ఆదివాసీ నాయకులకు, ఉద్యోగులకు, దాతలకు మరియు ఆన్‌లైన్ ద్వారా సహకరించిన ప్రతి ఒక్కరికీ హృదయపూర్వక ధన్యవాదాలు.*

*ఈ కార్యక్రమంలో భద్రాచలం కోయ కుల సంఘం పటేల్ తెల్లం రమణయ్య, ఆదివాసీ నాయకులు కుంజా ధర్మా, కుంజా సంతోష్, పూనెం వీరభద్రం, గుండు శరత్, పాయం రవివర్మ, పూనెం నాగేశ్వరరావు, కొండ్రు వీరస్వామి, కొండ్రు సుధారాణి, కణితి రాధ, మిడియం నాగమణి తదితరులు పాల్గొన్నారు.* 

 

చర్ల సంతలో కాంగ్రెస్ బాకీ కార్డులు పంపిణీ

కాంగ్రెస్ దగాకోరు పరిపాలనలో 6 గ్యారంటీలు 420 ఇచ్చిన హమీలు ప్రభుత్వ వచ్చిన 100 రోజుల్లో నెరవేర్చుతాముఅని చెప్పిన 1000 రోజుల పూర్తి అయిన ఒక్క హమీ కూడా పూర్తిగా అమలు చేయలేదు. వెంటనే అమలు చేయాలని బిఆర్ఎస్ పార్టీ రాష్ట్ర వర్కింగ్ ప్రెసిడెంట్ కెటిఆర్ ఆదేశాల మేరకు 2 వ తేదీ నుండి 8 తారీఖు వరకు బిఆర్ఎస్ నిరసన కార్యక్రమాలు బాగంగా 4 రోజులు నిరసన కార్యక్రమాలు విజయవంతం నిర్వహించడం జరిగింది. 

5 రోజు చర్ల సంతలో కాంగ్రెస్ ప్రజలకు బాకిపడ్డా కార్డులు పంపిణీ చేయడం జరిగింది. సంతలో ప్రజలందరూ మళ్లీ కెసిఆర్ ప్రభుత్వం మే వస్తుందని చెప్పడం ప్రజల్లో కాంగ్రెస్ ప్రభుత్వం పై ఎంత వెతిరేకత ఉందని చెప్పడానికి నిదర్శనం అని బిఆర్ఎస్ పార్టీ చర్ల మండల కన్వీనర్ తెలియజేసారు. ఇప్పటికైనా ప్రభుత్వం 6 గ్యారంటీలు 420 హమీలు అమలు చేయాలని లేని పక్షంలో నిరంతరం ప్రజల కోసం పోరాటాలు చేస్తామని ఈ కార్యక్రమంలో సీనియర్ నాయకులు SD అజీజ్ యడ్ల రామదాసు యూత్ నాయకుడు అంబోజి సతీష్ మెంతుల నాగరాజు పాల్గొన్నారు.

ఘనంగా సన్మానించారు

 తెలంగాణా రాష్ట్రప్రభుత్వ విశ్రాంత  ఉద్యోగుల భవనం లో జాతీయ ఉపాధ్యాయ దినోత్సవాన్ని ఘనం గా జరుపుకున్నారు.డా.సర్వేపల్లి రాధాకృష్ణన్ జన్మదినోత్సవాన్ని పురస్కరించుకుని విశ్రాంత ఉపాధ్యాయులైన ఎన్.ఎస్.అజరయ్య,ఏ.బాలాస్వామి,కె.శేఖర్,పి.సౌదామణి,ఎం.వి.ఎస్.విజయలక్ష్మి ,శోభాకుమారి,ట్.జె.పి.ప్రేమకుమార్,అనసూయ లను శాలువలు,పుష్పగుచ్చాలతో అధ్యక్షులు జి.భూషణరావు ఘనంగా సన్మానించారు.

కార్యదర్శి కె.మధుసూదన రావు,ఫైనాన్స్ సెక్రటరి ఎస్.హనుమంత రావు,అసోసియేట్ అధ్యక్షులు జి.వెంకన్న,వై.రామచంద్ర రావు,కె.ఎం.కుమారి,జి.తులసీదాస్,టి. పాపయ్య,ఏ.శ్రీనివాసరావు,డి.సుబ్బరాజు,జి.భూపతిరావు,ఎం.భాస్కర్ రావు,రఘురామప్రసాద్,గమానియేల్,అన్నపూర్ణ,కె.మనోహర్,రోడాబాయి,శారమ్మ,రాజు.షమ్షుద్దీన్,అప్పారావు,బ్రమ్మేశ్వరరావు తదితరులు ఫాల్గొన్నారు.

భద్రాద్రిలో బహుముఖ ప్రజ్ఞశాలులకు ఘన సన్మానం

 జాతీయ ఉపాధ్యాయ దినోత్సవాన్ని పురస్కరించుకొని శనివారం సాయంత్రం స్థానిక మండల విద్యా వనరుల కేంద్రంలో 8 మంది బహుముఖ ప్రజ్ఞాశాలులైన ఉత్తమ ఉపాధ్యాయులను మండల విద్యాశాఖ ఆధ్వర్యంలో ఘన సన్మానం  నిర్వహించినట్లుగా మండల విద్యాశాఖ అధికారి బెక్కంటి శ్రీనివాస్ రావు తెలిపారు.  

 వృత్తిపరంగా ప్రవృత్తి పరంగా, ఉపాధ్యాయ వృత్తిలో అంకిత భావంతో పనిచేసి పలువురు బలహీన బడుగు వర్గాల పిల్లలకు ఆశాజ్యోతి గా నిలిచిన ఉపాధ్యాయులను అన్ని  ఉపాధ్యాయ సంఘాల సమన్వయంతో మండల స్థాయిలో   ఎంపిక చేసి ఉత్తమ ఉపాధ్యాయ అవార్డులతో, శాలువాలు కప్పి, పూల గుచ్చాలు అందించి, మెమెంటోలు ఇచ్చి, మెడల్ ప్రధానం చేసి ఘన సన్మానాన్ని ఘనంగా నిర్వహించారు.

 ఘన సన్మానాన్ని పొందిన మండల స్థాయి *ఉత్తమ ఉపాధ్యాయులు వీరే...*

బీవీ రత్నకుమారి, SA బైలాజికల్ సైన్స్, జిల్లా పరిషత్ బాలిక ఉన్నత పాఠశాల భద్రాచలం, కే పుష్ప, SA ఫిజికల్ సైన్స్, జిల్లా పరిషత్ బాలికొన్నత  పాఠశాల, భద్రాచలం, పి నాగమణి, SA సోషల్ స్టడీస్, గవర్నమెంట్ హై స్కూల్ భద్రాచలం, బి జయబాబు, SA బయోలాజికల్ సైన్స్, గవర్నమెంట్ హై స్కూల్ భద్రాచలం, ఎస్ ఎన్ వి  అరుణ కుమారి, SGT, ఎంపీపీ ఎస్ లంబాడి కాలనీ, ఎస్ శ్రీదేవి, SGT, ఎంపీపీ ఎస్ రెవిన్యూ కాలనీ, జి తిరుమల కుమారి, SGT, ఎంపీపీ ఎస్ తాతగుడి  సెంటర్. ఘనంగా సన్మానించి అభినందించారు.

 ఈ సందర్భంగా మండల విద్యాశాఖ అధికారి  బెక్కంటి  శ్రీనివాసరావు మాట్లాడుతూ అవార్డు తీసుకున్న ప్రతి ఉపాధ్యాయుడు మరింత కష్టపడి విద్యార్థులకు ఉజ్వల భవిష్యత్తు ఇవ్వాలని పిలుపునిచ్చారు.

 ఈ కార్యక్రమంలో మండల ఫోగ్రామ్  కన్వీనర్ గా పనిచేసిన రాజ శ్రీనివాస్ ప్రసంగిస్తూ మండలంలో కష్టపడి అంకిత భావంతో అన్ని రకాలుగా స్వచ్ఛందంగా పనిచేసిన ఉపాధ్యాయులకు నేడు మండల స్థాయి ఉత్తమ ఉపాధ్యాయ పురస్కారం రావడం తమకెంతో ఆనందంగా ఉందని వారి సేవలు భవిష్యత్తులో మరింతగా మెరుగుపరుచుకోవాలని వారికి విజ్ఞప్తి చేశారు.

 ఈ కార్యక్రమంలో ప్రభుత్వ ఉన్నత పాఠశాల ప్రధానోపాధ్యాయులు మరియు కాంప్లెక్స్ ఉపాధ్యాయులు ఆయన జాన్సన్  మాట్లాడుతూ మండల స్థాయిలో గుణాత్మక విద్యను పెంపొందించడానికి కృషిచేసిన ఉపాధ్యాయులను గుర్తించి చక్కటి సన్మానం నిర్వహించినందుకు మండల విద్యాశాఖ అధికారి కి అభినందనలు తెలియజేస్తూ ఉపాధ్యాయులు అందరూ అంకితభావంతో పనిచేయడం ద్వారా మండలాన్ని జిల్లా స్థాయిలో ప్రథమ స్థానంలో ఉంచాలని కోరినారు. 

ఈ కార్యక్రమంలో యూటీఎఫ్ జిల్లా కార్యదర్శి ఎస్ విజయ్ కుమార్, పిఆర్టియు  మండల ప్రధాన కార్యదర్శి టి రామకృష్ణ, ఏటీఎఫ్ జిల్లా అధ్యక్షులు జయ బాబు, సన్మాన గ్రహీతలు, వివిధ పాఠశాలల ప్రధానోపాధ్యాయులు, ఎం ఆర్ సి సిబ్బంది, మండలంలోని ఉన్నత మరియు మండల పరిషత్ ఉపాధ్యాయులు పాల్గొన్నారు.

కాంగ్రెస్ పార్టీ 6 గ్యారంటీ మోసాలపై ఇంటింటికి తిరిగి బాకీ కార్డుల పంపిణీ

 

అధికారం లోకి వచ్చి 1000 అవుతున్న ఇంక 6 గ్యారంటీలు అమలు చేయకుండా 420 హామీలు ఊసే ఎత్తకుండా ప్రజలను మోసం చేస్తున్న అధికార పార్టీ విధానాలకు వ్యతిరేకంగా ఈరోజు చర్ల పట్టణంలో పలు వార్డు లలో ఇంటింటికి తిరుగుతూ బాకీ కార్డు లను పంపిణీ చేసిన BRS పార్టీ చర్ల మండల కమిటీ నాయకులు ఈసందర్భంగా కన్వీనర్ దొడ్డి తాతారావు మాట్లాడుతూ అధికారంలోకి వచ్చిన 100 రోజుల్లో 6 గ్యారంటీలు 420 హామీలు అమలు చేస్తామని చెప్పి గద్దెనెక్కి 1000 రోజులు అవుతున్న కనీసం హామీలు అమలుచేయడం లేదు అని పాలన చేతకాక ప్రతిపక్ష నాయకుడు రాజీనామా చేయాలి అని మాట్లాడుతున్నారు అసలు రాజీనామా చేయాల్సింది మీరు ఇచ్చిన హామీలు అమలు చేయకుండా ప్రజలను మోసం చేసినందుకు ముందు మీరు రాజీనామా చేయాలి అని డిమాండ్ చేశారు

 ఈ కార్యక్రమంలో మండల సీనియర్ నాయకులు సయ్యద్ అజీజ్ యువజన విభాగం నాయకులు కాకి అనిల్ అంబోజి సతీష్ గోరింట్ల వెంకటేశ్వరరావు వార్డ్ మెంబర్ కట్టం కన్నరావు గదేంశెట్టి కిశోర్ తడికల బుల్లేబాయ్ పసికంటి సంతోష్ మరియు స్థానిక కార్యకర్తలు పాల్గొన్నారు

వంట వార్పు మరియు మహిళా నిరసన కార్యక్రమం

 బిఆర్ఎస్ పార్టీ రాష్ట్ర వర్కింగ్ ప్రెసిడెంట్ కేటీఆర్ గారి పిలుపుమేరకు డివిజన్ నాయకులు రావులపల్లి రాంప్రసాద్ మానెం రామకృష్ణ ఆదేశానుసారం ఈ రోజు చర్ల BRS మండల కన్వీనర్ దొడ్డి తాతారావు గారి ఆధ్వర్యంలో చర్ల పార్టీ కార్యాలయం వద్ద నిర్వహించిన వంట వార్పు మరియు మహిళా నిరసన కార్యక్రమంలో ముఖ్య అతిథిగా పాల్గొన్న భద్రాచలం బిఆర్ఎస్ పార్టీ నియోజకవర్గం నాయకుడు మానె రామకృష్ణ గార్లు. 

 ఈ కార్యక్రమంలో మాట్లాడుతు కాంగ్రెస్ 1000 రోజుల పాలనకు నిరసనగా తెలంగాణ రాష్ట్రంలో 2 నుండి 8 వరకు జరుగుతాయి ఎన్నికల్లో 6 గ్యారంటీలు 420 హమీలతో అధికారంలోకి వచ్చి 100 రోజుల్లో హమీలు అమలు చేస్తామని చెప్పిన కాంగ్రెస్ ప్రభుత్వం 1000 రోజుల అయ్యిన ఒక్కటి కూడా పూర్తిగా అమలు చేయలేదు. అందుకే ఈరోజు మహిళలకు హమీలు అమలు చేయాలని కళ్యాణ్ లక్ష్మి షాదిముబారాక్ కెసిఆర్ కిట్టు విద్యార్థినులకు స్కూటీలు ప్రతీ ఇంటి మహిళకు 2500 ఈ హమీలు వెంటనే అమలు చేయాలని డిమాండ్.

 ఈ కార్యక్రమంలో చర్ల బిఆర్ఎస్ పార్టీ కో కన్వీనర్ అయినవోలు పవన్ కుమార్ సీనియర్ నాయకులు సయ్యద్ అజీజ్ పంజా రాజు కాకి అనిల్ కొంబత్తిన రాము గోరింట్ల వెంకటేశ్వరరావు అంబోజి సతీష్ తడికల బుల్లెబ్బాయి కుప్పాల నిరంజన్ కుప్పాల సౌజన్య పాసిగంటి సంతోష్ దుబ్బ సమ్మయ్య తడికల చంద్రశేఖర్ కట్టం కన్నారావు గాదం సెట్టి కిషోర్ కుక్క డప్పు సాయి పాసిగంటి సంధ్య మచ్చ రాణి మహిళా సర్పంచులు పెద్ద ముసిలేరు సర్పంచ్ బెండ బోయిన సుహాసిని ఉప్పరిగూడెం సర్పంచ్ సోయం నాగలక్ష్మి కుదునూరు సర్పంచ్ కుంజా కమల మరియు నాయకులు మహిళా నాయకులు కార్యకర్తలు పాల్గొన్నారు

రైతుల పక్షాన బిఆర్ఎస్ పార్టీ నిరసన కార్యక్రమం

ఈరోజు కెటిఆర్ ఆదేశాల మేరకు రైతు సమస్యలపై కొత్తపల్లి గ్రామంలో రైతు సదస్సు ఏర్పాటు చేయడం జరిగింది.కాంగ్రెస్ ప్రభుత్వం 1000 రోజుల పాలనలో రైతాంగానికి ఇచ్చిన హామీలను అమలు చేయకుండా తీవ్ర అన్యాయం చేసిందని బీఆర్‌ఎస్ చర్ల మండల కన్వీనర్ దొడ్డి తాతారావు ఆరోపించారు  రైతు సంక్షేమం పేరుతో అధికారంలోకి వచ్చిన కాంగ్రెస్ పాలనలో రైతుల కష్టాలు మరింత పెరిగాయని విమర్శించారు.

రైతు రాజ్యం వస్తుందని ఆశిస్తే రావణ రాజ్యం వచ్చింది అంటూ కాంగ్రెస్ ప్రభుత్వంపై ఆయన తీవ్రస్థాయిలో మండిపడ్డారు

రైతులకు సాగునీరు అందించడంలో ప్రభుత్వం పూర్తిగా విఫలమైందని సాగునీటి ప్రాజెక్టులను పట్టించుకోకుండా రైతాంగాన్ని ఇబ్బందులకు గురిచేస్తోందని ఆరోపించారు

రైతు బీమా పథకాన్ని ఎత్తివేసారని  రుణమాఫీ అసంపూర్తి గా చేశారన్నారు.

గతంలో కేసీఆర్ ప్రభుత్వం రైతుల కోసం అమలు చేసిన రైతు బీమా వంటి పథకాలు రైతు కుటుంబాలకు భరోసా కల్పించాయని అన్నారు. 

అయితే కాంగ్రెస్ ప్రభుత్వం అధికారంలోకి వచ్చిన తర్వాత రైతు బీమా విషయంలో నిర్లక్ష్యం ప్రదర్శిస్తోందని ఆరోపించారు అదే విధంగా రైతులకు హామీ ఇచ్చిన రుణమాఫీ కూడా పూర్తిస్థాయిలో అమలు కాలేదని విమర్శించారు.

 ఎన్నికల సమయంలో రైతులకు సంవత్సరానికి రైతు భరోసా కింద రూ.15 వేల చొప్పున అందిస్తామని కాంగ్రెస్ పార్టీ హామీ ఇచ్చిందని గుర్తుచేశారు.

  పండించిన పంటకు గిట్టుబాటు ధర,సన్న వడ్లకు రూ.500 బోనస్,కౌలు రైతులకు రైతు భరోసా వంటి హామీలు ఇచ్చినా వాటి అమలులో ప్రభుత్వం విఫలమైందని అన్నారు

*కౌలు రైతులకు ఇస్తామన్న భరోసా ఏదని రైతు కూలీలకు ఏడాదికి రూ.12 వేల చొప్పున ఇందిరమ్మ ఆత్మీయ భరోసా అందిస్తామని కాంగ్రెస్ ప్రభుత్వం హామీ ఇచ్చిందని ఆ హామీ అమలు పరిస్థితి ఏమిటో ప్రభుత్వం స్పష్టం చేయాలని డిమాండ్ చేశారు* 

*ధాన్యం కొనుగోలు కేంద్రాలపై నిర్లక్ష్యం

రైతులు ఎంతో కష్టపడి పండించిన ధాన్యాన్ని కొనుగోలు చేసేందుకు ప్రభుత్వం సరైన ఏర్పాట్లు చేయడం లేదని బీఆర్‌ఎస్ నాయకుడు ఆరోపించారు. ధాన్యం కొనుగోలులో రైతులు ఇబ్బందులు పడుతున్నారని,సన్న వడ్లకు రూ.500 బోనస్ ఇస్తామని చెప్పి చివరకు ఒక సీజన్ కు మాత్రమే పరిమితం చేశారని, దాన్ని ఈ సంవత్సరం ఏడు రకాల వడ్ల ను సాగు చేసిన వారికే అంటూ బోనస్‌ను బోగస్‌గా మార్చారని విమర్శించారు.

యూరియా కోసం రైతుల అవస్థలు పడుతున్నారనిప్రస్తుతం రాష్ట్రవ్యాప్తంగా రైతులు యూరియా కోసం ఇబ్బందులు పడుతున్నారని  అన్నారు.

పంటల సాగు కీలక దశలో ఎరువులు సకాలంలో అందించాల్సిన ప్రభుత్వం ఆ పని చేయకుండా రైతులను ఇబ్బందులకు గురిచేస్తోందని ఆరోపించారు

యూరియా కోసం యాపులు పెట్టిన రాబందు ప్రభుత్వం అంటూ ఘాటుగా విమర్శించారు. రైతులకు అవసరమైన యూరియాను సకాలంలో, సరిపడా అందించాలని డిమాండ్ చేశారు

ఈ కార్యక్రమంలో మండల బిఆర్ఎస్ పార్టీ కో కన్వీనర్ అయినవోలు పవన్ కుమార్ కొత్తపల్లి సర్పంచ్ ఉప్పట్ల నాగలక్ష్మి మొగల్లపల్లి ఉపసర్పంచ్ ఎడ్ల రామదాసు నియోజకవర్గ యువజన నాయకులు కాకి అనిల్ పంజా రాజు  మండల మండల నాయకులు సయ్యద్ అజీజ్ బట్ట కొమరయ్య రాట్నాల శ్రీరామ్మూర్తి  యూత్ అధ్యక్ష కార్యదర్శులు అంబోజి సతీష్ కుప్పల నిరంజన్ BC సెల్ అధ్యక్షులు గోరింట్ల వెంకటేశ్వరరావు SC సెల్ అధ్యక్షులు కొంబతీని రాము యువజన నాయకులు తడికల బుల్లేబాయ్ గదేంశెట్టి కిశోర్ కుక్కడపు సాయి మైప వెంకటేశ్వర్లు సాంబ  నాయకులు,కార్యకర్తలు,యువజన నాయకులు,రైతులు పాల్గొన్నారు...

మండల విద్యాధికారి ఆధ్వర్యంలో ఉపాధ్యాయ సంఘాల సమన్వయ సమావేశం

 ఈరోజు స్థానిక మండల విద్యా వనరుల కేంద్రం భద్రాచలం నందు మండల విద్యాధికారి బెక్కంటి శ్రీనివాసరావు   గారి ఆధ్వర్యంలో ఉపాధ్యాయ సంఘాల సమన్వయ సమావేశం నిర్వహించడం జరిగింది.

 ఈ సందర్భంగా హాజరైన ఉపాధ్యాయ సంఘాల నాయకులను ఉద్దేశించి మండల విద్యాధికారి మాట్లాడుతూ జాతీయ ఉపాధ్యాయ దినోత్సవాన్ని పురస్కరించుకొని మండల విద్యా వనరుల కేంద్రంలో ఉపాధ్యాయ దినోత్సవ వేడుకలు నిర్వహిస్తున్నామని ఆ కార్యక్రమంలో మండలంలో పాఠశాలల అభివృద్ధి కోసం అంకితభావంతో పనిచేస్తున్న 8 మంది ఉపాధ్యాయులను ఎంపిక చేసి వారిని సన్మానిస్తామని దానికి అన్ని సంఘాల సహాయ సహకారాలు అందించాలని కోరడం జరిగింది. సందర్భంగా ఆయా  నాయకులు మాట్లాడుతూ ఉపాధ్యాయ దినోత్సవ వేడుకలకు సంపూర్ణ సహాయ సహకారాలు అందిస్తామని తెలియజేయడం జరిగింది.

 ఈ కార్యక్రమంలో పిఆర్టియు మండల బాధ్యులు టి రామకృష్ణ, బి కృష్ణ, టీఎస్ యుటిఎఫ్ బాధ్యులు ఎస్ విజయ్ కుమార్, కే శ్రీనివాసరావు, పి ఎస్ వి ప్రసాద్ బాబు, ఆట సంఘ నాయకులు కలం సత్యనారాయణ తదితరులు పాల్గొన్నారు.

ప్రభుత్వ పాఠశాల విద్యార్థులకు యూనిఫామ్స్ పంపిణీ

 భద్రాచలం మండలం పరిధిలోని లంబాడి కాలనీలో ప్రాథమిక పాఠశాలలో బుధవారం నాడు మండల విద్యాశాఖ అధికారి సందర్శించి వారి చేతులమీదుగా విద్యార్థులందరికీ నూతన యూనిఫామ్ ని పంపిణీ చేశారు.

 అనంతరం ఎంతో ఆనందంగా విద్యార్థులందరూ యూనిఫామ్ ధరించి మండల విద్యాశాఖ అధికారి సమక్షంలో ఉపాధ్యాయులతో ఫోటోలు దిగి ఆనందం వ్యక్తం చేశారు. ఈ కార్యక్రమంలో ప్రధానోపాధ్యాయులు KNVR జగన్ మోహన్ రావు  ఉపాధ్యాయిని S. అరుణ తోపాటు క్లస్టర్ రిసోర్స్ పర్సన్ గోపికృష్ణ టైలర్ దాసు తోపాటు తదితరులు పాల్గొన్నారు.

చర్ల నుంచి భద్రాచలం వరకు భారీ బైక్‌ ర్యాలీ

కాంగ్రెస్‌ ప్రభుత్వం ఎన్నికల హామీలను అమలు చేయడంలో పూర్తిగా విఫలమైందని బీఆర్‌ఎస్‌ చర్ల మండల కన్వీనర్‌ దొడ్డి తాతారావు విమర్శించారు. కాంగ్రెస్‌ ప్రభుత్వ వెయ్యి రోజుల పాలనకు నిరసనగా బుధవారం చర్ల నుంచి భద్రాచలం వరకు సుమారు 200 ద్విచక్ర వాహనాలతో భారీ ర్యాలీ నిర్వహించారు. బీఆర్‌ఎస్‌ కార్యనిర్వాహక అధ్యక్షుడు కేటీఆర్‌ పిలుపు మేరకు చేపట్టిన సమరభేరి కార్యక్రమంలో భాగంగా పార్టీ శ్రేణులు పెద్ద సంఖ్యలో పాల్గొన్నారు. గులాబీ జెండాలు, ప్రభుత్వానికి వ్యతిరేకంగా ప్లకార్డులు ప్రదర్శిస్తూ నినాదాలతో ర్యాలీ నిర్వహించారు. 

ఈ సందర్భంగా దొడ్డి తాతారావు మాట్లాడుతూ ఆరు గ్యారెంటీలు, 420 హామీలతో అధికారంలోకి వచ్చిన కాంగ్రెస్‌ ప్రభుత్వం వెయ్యి రోజులు గడిచినా హామీలను పూర్తిస్థాయిలో అమలు చేయలేదని ఆరోపించారు. రైతు భరోసా, కల్యాణలక్ష్మి, తులం బంగారం, ఆసరా పింఛన్లు, ఫీజు రీయింబర్స్‌మెంట్‌, యువతకు ఉద్యోగాలు తదితర హామీలను ప్రభుత్వం విస్మరించిందని విమర్శించారు. కాంగ్రెస్‌ ప్రభుత్వం ఇచ్చిన హామీలను ప్రజలకు వివరిస్తూ ప్రతి గడపకు వెళ్లి ప్రభుత్వాన్ని నిలదీస్తామని ఆయన తెలిపారు. కార్యక్రమంలో బీఆర్‌ఎస్‌ నాయకులు, కార్యకర్తలు, అభిమానులు పెద్ద సంఖ్యలో పాల్గొన్నారు.

“బాధితులు బయటకు రండి.. బీజేపీ అండగా ఉంటుంది”

దుమ్ముగూడెం మండల కాంగ్రెస్ అధ్యక్షులు తెల్లం హరికృష్ణ ఉద్యోగం ఇప్పిస్తానని రూ.15 లక్షలు తీసుకున్నారన్న ఆరోపణలు, ఈ వ్యవహారంతో భద్రాచలం ఎమ్మెల్యే తెల్లం వెంకట్రావు పీఏ కళ్యాణ్‌కు సంబంధం ఉన్నట్లు ఆరోపణలు వెలుగులోకి వచ్చాయని బీజేపీ రాష్ట్ర ఎగ్జిక్యూటివ్ సభ్యులు కుంజా ధర్మా తెలిపారు. 

ఈ వ్యవహారం ద్వారా భద్రాచలం నియోజకవర్గానికి చెందిన మరికొందరు కాంగ్రెస్ నాయకుల ప్రమేయంపై కూడా తీవ్ర ఆరోపణలు వెలువడుతున్నాయని, మొత్తం వ్యవహారం రూ.15 నుంచి రూ.20 కోట్ల వరకు ఉండొచ్చన్న సమాచారం ఉందన్నారు. ఈ ఆరోపణలపై సమగ్ర విచారణ జరిపి నిజానిజాలను ప్రజల ముందు ఉంచాలని డిమాండ్ చేశారు.

ఉద్యోగాల పేరుతో డబ్బులు చెల్లించి మోసపోయిన బాధితులు ధైర్యంగా బయటకు రావాలని కుంజా ధర్మా పిలుపునిచ్చారు. బాధితులతో కలిసి తెలంగాణ డీజీపీని స్వయంగా కలిసి సమగ్ర విచారణకు ఫిర్యాదు చేస్తామని తెలిపారు. అవసరమైతే కేంద్ర మంత్రులు జి. కిషన్ రెడ్డి, బండి సంజయ్ సహకారంతో ఈ అంశంపై రాష్ట్ర ప్రభుత్వాన్ని ఒత్తిడి చేసి బాధితులకు న్యాయం జరిగే వరకు పోరాడుతామని స్పష్టం చేశారు.

బాధితుల్లో ఆదివాసీలు ఉంటే జాతీయ ఎస్టీ కమిషన్ సభ్యులు జాటోత్ హుస్సేన్ నాయక్ దృష్టికి తీసుకెళ్లి ప్రత్యేకంగా న్యాయం కోసం కృషి చేస్తామని హామీ ఇచ్చారు. బాధితులు ఎవరూ భయపడాల్సిన అవసరం లేదని, మీకు జరిగిన అన్యాయంపై ఆధారాలతో ముందుకు వస్తే బీజేపీ అండగా నిలుస్తుందని కుంజా ధర్మా స్పష్టం చేశారు.

ఈ కార్యక్రమంలో కుంజా సంతోష్, నిడదవోలు నాగబాబు, పీసీ కేశవ్, గుమ్మల్ల వెంకటేశ్వర్లు (జీవా), బోడ సత్యనారాయణ, జంపాల ప్రభాకర్, గంగులకుర్తి రామాచారి తదితరులు పాల్గొన్నారు.

వేద పాఠశాలను తలపిస్తున్న తాత గుడి సెంటర్ ప్రాథమిక పాఠశాల..

 భద్రాచలం తాత గుడి సెంటర్లోని ప్రాథమిక పాఠశాల ప్రాంగణములోనే  ఒకవైపు ప్రాథమిక విద్య మరోక వైపు పూర్వ ప్రాథమిక విద్య విద్యను అభ్యసిస్తున్న విద్యార్థులను చూస్తే అలనాడు అంకిత భావంతో  గ్రామాలకు దూరంగా నిర్వహించిన వేద పాఠశాలను తలపిస్తున్నాయని భద్రాచలం మండల విద్యాశాఖ అధికారి బెక్కంటి శ్రీనివాసరావు అభిప్రాయం వ్యక్తం చేశారు.

 పాఠశాలల పర్యవేక్షణలో భాగంగా మంగళవారం నాడు ఆర్కస్మికంగా ఈ పాఠశాలను మండల విద్యాశాఖ అధికారి సందర్శించారు.  ఈ పాఠశాల  ప్రాథమిక స్థాయిలో 149 మంది విద్యార్థులు పూర్వ ప్రాథమిక కేంద్రంలో 20 మంది విద్యార్థులు విద్యను అభ్యసిస్తున్నారు.

 ఈ పాఠశాలలో ప్రతిరోజు ఎక్సెల్ ప్రోగ్రాం కింద విద్యార్థులు కంప్యూటర్లను వినియోగించుకొని ఆధునిక జ్ఞానాన్ని నేర్చుకోవటం వాటిలోని మెలుకువలను అలవర్చుకొని  వినియోగించుకోవడం  అందరికీ ఆదర్శమని  బెక్కంటి అన్నారు.

 ఈ నేపథ్యంలో బ్యాగ్ లెస్ డే రోజు విద్యార్థులకు సాంస్కృతిక కార్యక్రమాలలో పోటీలను నిర్వహించడం ప్రాథమిక స్థాయి నుండి విద్యార్థుల్లో అంతర్గత సామర్థ్యాన్ని వెలికి తీయటం  ఒక ప్రత్యేకత సంతరించుకుంది.

 ఇదిలా ఉండగా పూర్వ ప్రాథమిక విద్యలో విద్యార్థులను అంతర్గత సామర్థ్యాలను వెలుగుచూస్తూ పక్కనే ఉన్న ప్రాథమిక విద్యను పరిచయం చేస్తున్న తీరు చూస్తే ప్రతి ఒక్కరు తమ పిల్లలను ఈ పాఠశాలకు పంపించటం తద్యమని ఆయన ధీమా వ్యక్తం చేశారు. 

 ప్రతిరోజు సాయంత్రం మూడు గంటల నుండి నాలుగు గంటల వరకు తరగతి గదిలో కనీస అభ్యసన సామర్ధ్యాలను సాధించని పిల్లలకు  ప్రత్యేక తరగతులు నిర్వహించి వారిలోని సామర్థ్యాలను అభివృద్ధి పదములో తీసుకురావడం ఈ పాఠశాలలో ప్రత్యేక కార్యక్రమం.

 ఒకే ప్రాంగణంలో ఒక పక్క పూర్వ ప్రాథమిక విద్య మరొక పక్క ప్రాథమిక విద్య అనుసంధానం చేసి విద్యార్థులకు తరగతి గదిలో కావలసిన కనీస అభ్యసనా సామర్థ్యాలు సాధించటం ఈ పాఠశాల యొక్క ప్రత్యేకత అని ఆయన ధీమా వ్యక్తం చేశారు.

 గ్రామ నడిబడ్డనున్నప్పటికీ పచ్చని వాతావరణంలో చక్కటి విద్యకు శ్రీకారం చుట్టిన పాఠశాల ఉపాధ్యాయులు అందరికీ పేరుపేరునా ఆయన ధన్యవాదాలు తెలియజేశారు.

 ఈ పాఠశాల ప్రధానోపాధ్యాయులు పాపారావు పూర్వ ప్రాథమిక పాఠశాల ప్రధానోపాధ్యాయులు శిరీష్య సేవలను వారు కొనియాడారు. ఈ నేపథ్యంలో విద్యార్థులకు యోగ, ఆటల పోటీలలో అవగాహన కలిగించటం నైపుణ్యాలను పెంచడం దిన చర్యలో భాగంగా నిర్ణయించటం ఈ పాఠశాల ప్రత్యేకత.

 ఈ కార్యక్రమంలో వీరి వెంట క్లస్టర్ రిసోర్స్ పర్సన్ గోపికృష్ణ తోపాటు ఉపాధ్యాయినీ ఉపాధ్యాయులు,స్వచ్ఛ మిత్రా సేవకులు,మధ్యాహ్న భోజన నిర్వహకులు తదితరులు పాల్గొన్నారు.