ఉమ్మడి ఖమ్మం జిల్లా సీనియర్ ఆర్చరీ సెలెక్షన్స్ విజయవంతం

ఖమ్మం, అక్టోబర్ 4: ఉమ్మడి ఖమ్మం జిల్లా ఆర్చరీ అసోసియేషన్ ఆధ్వర్యంలో ఖమ్మంలోని సర్దార్ పటేల్ స్టేడియంలో సీనియర్ పురుషులు, మహిళల జిల్లా ఆర్చరీ సెలెక్షన్-కమ్-టోర్నమెంట్ ఆదివారం నిర్వహించారు.

ఈ కార్యక్రమానికి ఖమ్మం జిల్లా యువజన మరియు క్రీడల అధికారి (DYSO) టి. సునీల్ కుమార్ రెడ్డి  ముఖ్య అతిథిగా హాజరై సెలెక్షన్స్‌ను ప్రారంభించారు. ఈ సందర్భంగా ఆయన మాట్లాడుతూ ఆర్చరీ క్రీడాకారులు నిరంతర సాధన, క్రమశిక్షణతో రాష్ట్ర, జాతీయ స్థాయిలో రాణించాలని ఆకాంక్షించారు.

ఉమ్మడి ఖమ్మం జిల్లా ఆర్చరీ అసోసియేషన్ అధ్యక్షులు సాధుల సారంగపాణి, జనరల్ సెక్రటరీ పుట్ట శంకరయ్య మాట్లాడుతూ జిల్లాలో ప్రతిభావంతులైన ఆర్చర్లను గుర్తించి వారికి ఉన్నత స్థాయి పోటీల్లో అవకాశాలు కల్పించడమే ఈ సెలెక్షన్స్ ముఖ్య ఉద్దేశమని తెలిపారు. ఎంపికైన క్రీడాకారులు 11-10-2026న హైదరాబాద్‌లో జరిగే తెలంగాణ రాష్ట్ర సీనియర్ ఇంటర్-డిస్ట్రిక్ట్ ఆర్చరీ ఛాంపియన్‌షిప్ & సెలెక్షన్ ట్రయల్స్‌లో ఉమ్మడి ఖమ్మం జిల్లా తరఫున పాల్గొంటారని తెలిపారు.

ఎంపికైన క్రీడాకారులు

కాంపౌండ్ – పురుషులు:

1. కె. పృథ్వి – తండ్రి: వెంకన్న

2. ఎ. కొండలరావు – తండ్రి: శ్రీను

3. పి. మేఘాంశ్ – తండ్రి: కిషోర్ కుమార్

4. డి. శ్రీ గర్విత్ – తండ్రి: రాంబాబు

5. ఎన్. సంజయ్ కుమార్ – తండ్రి: రామకృష్ణ

6. డి. దిలీప్ కుమార్ – తండ్రి: రమేష్

రికర్వ్ – పురుషులు:

1. కె. అశ్విత్ దొర – తండ్రి: వెంకట నారాయణ

2. ఇ. ఆనంద్ – తండ్రి: వెంకటేష్

3. వి. వంశీ – తండ్రి: వెంకటేశ్వర్లు

4. కె. సాయి నిఖిల్ – తండ్రి: సత్య రామకృష్ణ

5. ఎం. సిద్ధు – తండ్రి: సలేందర్

రికర్వ్ – మహిళలు:

1. కె. లోహిత శ్రీ – తండ్రి: సతీష్ కుమార్

2. బి. ఝాన్సిక – తండ్రి: కృష్ణారావు

3. సిహెచ్. ఔచిత్య – తండ్రి: రఘునాథరావు

4. ఎస్. జెస్సిక – తండ్రి: వినోద్ కుమార్

5. కె. లావణ్య – తండ్రి: మల్లేష్

ఇండియన్ రౌండ్ – పురుషులు:

1. కె. లక్ష్మణ్ – తండ్రి: వెంకన్న

2. కె. సర్వేష్ – తండ్రి: బోతయ్య

3. కె. రామ్ చరణ్ – తండ్రి: ముత్తయ్య

4. ఆర్. భార్గవ్ – తండ్రి: నాగేష్

5. బి. అనిల్ – తండ్రి: అబయ్య

6. ఎం. చరణ్ – తండ్రి: భబ్రయ్య

ఇండియన్ రౌండ్ – మహిళలు:

1. ఎం. జెనిషా – తండ్రి: నాగేంద్రబాబు

2. కె. జ్యోష్న – తండ్రి: సుకేందర్ రావు

3. పి. మానస – తండ్రి: వెంకటేశ్వర్లు

4. ఇ. అవంతిక – తండ్రి: గాంధీ

5. బి. సంజన శ్రీ – తండ్రి: రామకృష్ణ

6. పి. వర్షిత – తండ్రి: కృష్ణ

ఈ కార్యక్రమంలో ఆర్చరీ అసోసియేషన్ ప్రతినిధులు, కోచ్‌లు, క్రీడాకారులు, తల్లిదండ్రులు తదితరులు పాల్గొన్నారు.

నిపుణులతో సమాలోచన

 స్థానిక సరస్వతి శిశు మందిర్ లో విద్యాబోధన మరింత వైజ్ఞానికంగా,విలువలతో కూడిన విద్య ని పిల్లలకి అందించడం కోసం నిపుణులైన విశ్రాంత ఉపాధ్యాయులతో ఇంకా ఇతర నిపుణులతో సమాలోచన జరిగింది. రిటైర్డ్ ఐఏఎస్ అధికారి చక్రపాణి అధ్యక్షతన ఈ కార్యక్రమం లో పలువురు నిపుణులైన ఉపాధ్యాయులు పాఠశాల లో ఉన్న విద్యార్థులతో ముచ్చటించి వారి అవసరాల్ని తెలుసుకున్నారు.అలాగే బోధనా సిబ్బంది కి కూడా పలు సూచనలు ఇచ్చి తమ సహాయ సహకారాల్ని అందించడానికి సుముఖత వ్యక్తపరిచారు.

•  ప్రతి సబ్జక్ట్ కి సంభందించి వాటి లోతుపాతులను, ప్రిపేర్ అయ్యే విధానాల్ని తెలియబరిచారు. స్థానిక ఉప ఖజనాధికారి తెల్లం సుభద్ర ఇ కార్యక్రమం లో ఫాల్గొన్న వారిని అందర్నీ అభినందించారు. తమ ఖాళీ సమయం లో విద్యార్థులకి,బోధనా సిబ్బందికి తమ అమూల్యమైన సేవల్ని అందించడానికి ముందుకువచ్చిన వారందరికి పాఠశాల ప్రధానోపాధ్యాయురాలు గీత ధన్యవాదాలు తెలిపారు. జి.భూషణ రావు,జి.తులసీ దాస్,జి.వి.సత్యనారాయణ,విజయలక్ష్మి,అనసూయ,రఘురాం ప్రసాద్,జి.రమణ,బందు వెంకటేశ్వర రావు,సుబ్బయ్య చౌదరి,బాలాజీ రాజు,కెవివిఎస్ మూర్తి, ఝాన్సీ రాణి తదితరులు ఫాల్గొన్నారు.

బెక్కంటి ఎక్కడ ఉంటే ఆ పాఠశాలకి అభివృద్ధి సుగమం

మారుమూల ప్రాంతం నుండి భారత రాష్ట్రపతి చేతుల మీదుగా జాతీయ ఉత్తమ ఉపాధ్యాయుడిగా అవార్డు అందుకొని ఎంతో మంది విద్యార్థుల భవిష్యత్తును  ఉన్నత శిఖరాలలో ఉండే విధంగా  అద్భుతంగా  తీర్చిదిద్దిన గొప్ప వ్యక్తి బెక్కంటి శ్రీనివాసరావు అని భద్రాచలం శాసనసభ్యులు తెల్లం వెంకట్రావ్  కొనియాడినారు.

 బుధవారం నాడు జిల్లా పరిషత్ ఉన్నత పాఠశాల నర్సాపురంలో జరిగిన ప్రధానోపాధ్యాయిని పదవీ విరమణ వీడ్కోలు సమావేశానికి జిల్లా విద్యాశాఖ అధికారి  శంభు ప్రసాద్ హాజరై బెక్కంటికి ఘన సన్మానం నిర్వహించారు.

 ఈ సందర్భంగా డిఇఓ మాట్లాడుతూ  బెక్కంటి శ్రీనివాసరావు  పనిపట్ల కలిగిన అంకితభావము, క్రమశిక్షణ, ఉపాధ్యాయ వృత్తి యొక్క గొప్పతనాన్ని పెంచాయని అభినందించారు. 

 చర్ల,  పినపాక, అశ్వాపురం, ములకలపల్లి MEO లు మాట్లాడుతూ స్టేట్ రిసోర్స్ గ్రూప్ పర్సన్ గా, గణిత  ఉపాధ్యాయుడిగా, ప్రధానోపాధ్యాయులుగా ఎన్నో సంవత్సరాల అనుభవం ఉన్న బెక్కంటి గారు రెండు నెలలు ఎంఈఓ పనిని  తన వాగ్దాటితో, లౌక్యంతో, పట్టుదలతో పరిపాలన చేశారని  తను అనుకున్న పనిని నెరవేర్చేదాక నిద్రపోని గొప్ప వ్యక్తి  బెక్కంటి  అని తన వ్యక్తిగత పనుల కంటే తన పాఠశాల పనులకు, విద్యా వ్యాప్తికి గిరిజన ప్రాంతంలో గణనీయమైన కృషి చేశారని   పాఠశాలకి కావలసిన మౌలిక వసతులు ఏమైనా సమకూర్చాలంటే బెక్కంటి శ్రీనివాసరావుకు  మరి ఎవరు సరిలేరని బెక్కంటి గారి సేవలను కొనియాడారు. 

ఈ కార్యక్రమంలో జగదీష్ కాలనీ పాఠశాల ప్రధానోపాధ్యాయులు రాజా శ్రీనివాస్  UPS జగదీష్ కాలనీ పాఠశాల మాట్లాడుతూ మండల విద్యాశాఖ అధికారిగా  పాఠశాలల యొక్క పనితీరు మెరుగుపరచడంలోనూ, వికలాంగుల దినోత్సవం నిర్వహణలోనూ, మండల స్థాయి గేమ్స్ నిర్వహణలోనూ, మండలంలో ఉన్న అన్ని ప్రభుత్వ ప్రైవేటు పాఠశాలను సమన్వయం చేయడంలోనూ మంచి అధికారిగా సమన్వయకర్తగా సేవలు అందించారని భద్రాచలం మండలాన్ని జిల్లాలోనే ఉన్నత స్థితిలో ఉంచడానికి వారు చేసిన కృషిని ప్రశంసించారు.

 కాంప్లెక్స్ అసిస్టెంట్ సెక్రటరీ దశం బాబు మాట్లాడుతూ ఈరోజు మారుమూల ప్రాంతాలలో ఉన్నటువంటి ప్రభుత్వ పాఠశాలలను ఉత్సాహపరుస్తూ  ప్రభుత్వ పాఠశాలలు ప్రైవేటు పాఠశాలల కంటే దీటుగా ఉన్నాయని పత్రిక మాధ్యమం ద్వారా కాంప్లెక్స్ ను మరియు దుమ్ముగూడెం మండలాన్ని అగ్రగామిలో ఉంచడానికి కాంప్లెక్స్ ప్రధానోపాధ్యాయునిగా బె క్కంటి  సేవలు చిరస్మరణీయమని కొనియాడారు. 

 పాఠశాల ఇన్చార్జి ప్రధానోపాధ్యాయుడు కృష్ణ మాట్లాడుతూ ప్రతి నెలలో కనీసం  20 పాఠశాలలు సందర్శిస్తూ  పాఠశాలలో ఉన్నటువంటి ఔత్సాహిక  విషయాలను  గుర్తించి ఉపాధ్యాయులను ప్రోత్సహించి పాఠశాలలు ఏ విధంగా ఉండాలని తెలియజేసిన గొప్ప వ్యక్తి అని కొని యాడినారు.

 నర్సాపురం జడ్పీహెచ్ఎస్ పాఠశాల ఉపాధ్యాయులైన అనిల్ సార్ మాట్లాడుతూ బెక్కంటి  గత మూడు సంవత్సరాలుగా మా పాఠశాలలో ఎన్నో అభివృద్ధి కార్యక్రమాలు చేశారు పాఠశాలకి కావలసిన మౌలిక వసతులైనటువంటి గ్రౌండ్, శానిటేషన్ వాటర్, డ్రింకింగ్ వాటర్ విద్యార్థులకు ఏర్పాటు చేయడంలో ప్రధానోపాధ్యాయుల కృషి మరువలేనిదని కొనియాడారు. గత రెండు సంవత్సరాలుగా 100% పదో తరగతిలో రిజల్ట్ పాఠశాలకు తీసుకురావడంలో  మారుమూల ప్రాంతంలోనైనా విద్యార్థులకు కలెక్టర్ గారి చేతుల మీదగా సైకిళ్లు  ఇప్పించడం ద్వారా పిల్లలకి ఏ ఇబ్బంది లేకుండా వాళ్లకు కావాల్సిన అన్ని సౌకర్యాలైన ల్యాబ్,గ్రౌండ్ అనేక కనీస అవసరాలు సమకూరుస్తూ, ఉపాధ్యాయులకు ఎంతో చేదోడు, వాదుడుగా ముందుకు తీసుకెళ్లిన సార్ ఈరోజు రిటైర్మెంట్ అవుతున్నారంటే చాలా బాధగా ఉంది అని పాఠశాల ఉపాధ్యాయులు అందరూ కూడా తమ మాటల్లో తెలియపరచడం జరిగింది.

 ఈ కార్యక్రమంలో రిటైర్డ్ ప్రధానోపాధ్యాయులు, పినపాక మండల విద్యాశాఖ అధికారి నాగయ్య, అశ్వాపురం మండల విద్యాశాఖ అధికారి వీరాస్వామి, చర్ల మండల విద్యాశాఖ అధికారి రమణ, ములకలపల్లి మండల విద్యాశాఖ అధికారి సత్యనారాయణ, వివిధ మండలాల నుంచి వచ్చిన ఉపాధ్యాయులు, వివిధ ఉపాధ్యాయ సంఘం నేతలు ఈ కార్యక్రమంలో పాల్గొన్నారు. అనంతరం ఎమ్మెల్యే గారు మరియు జిల్లా విద్యాశాఖ అధికారి గార్ల చేతుల మీదుగా 

బెక్కంటి శ్రీనివాస్  ఘన సన్మానం నిర్వహించడం జరిగింది. ఈ కార్యక్రమంలో 

బెక్కంటి శ్రీనివాస్ రావు  తన చిన్ననాటి ఏడవ తరగతి గురువుగారికి సాష్టాంగ ప్రణామములు  చేసి వారిని సన్మానం చేయడం సభికులను ఆనందపరిచింది. కార్యక్రమాన్ని ఉద్దేశించి మాట్లాడుతూ 

బెక్కంటి  శ్రీనివాస్ రావు  తనకు జన్మనిచ్చిన తల్లిదండ్రులకు, తనకు విద్యాబుద్ధులు నేర్పిన గురువులకు తనను ఒక జాతీయ ఉత్తమ ఉపాధ్యాయుడిగా స్థానాన్ని కల్పించిన ఈ మన్యం ప్రాంతానికి రుణపడి ఉంటానని తన జీవితంలో విద్యావ్యాప్తికి తను చేసే ప్రతి పనిలో సహకరించిన అభిమానులకు, శ్రేయోభిలాషులకు, ఉపాధ్యాయులకు, ముఖ్యంగా అధికారులకు హృదయపూర్వక కృతజ్ఞతాభివందనాలు తెలియజేశారు. 

ఈ కార్యక్రమాన్ని ఈ కార్యక్రమంలో కాంప్లెక్స్ లోని అనేక మంది ఉపాధ్యాయులు గ్రామస్తులు పలు రాజకీయ పార్టీ నాయకులు మరియు అన్ని ఉపాధ్యాయ సంఘం నాయకులు పాల్గొని బెక్కంటి  సేవలను కొనియాడారు. ఘనంగా నిర్వహించిన పాఠశాల ఉపాధ్యాయ బృందానికి వారు ధన్యవాదాలు తెలియజేశారు.

శ్రీరాముడిపై సీఎం రేవంత్ రెడ్డి వ్యాఖ్యలకు నిరసనగా భద్రాచలంలో బీజేపీ ఆందోళన

తెలంగాణ ముఖ్యమంత్రి రేవంత్ రెడ్డి హిందువుల ఆరాధ్య దైవం, ప్రపంచానికి ఆదర్శ పురుషుడైన శ్రీరాముడిపై చేసిన వ్యాఖ్యలను తీవ్రంగా ఖండిస్తూ ఈరోజు భద్రాచలం బ్రిడ్జి సెంటర్ వద్ద భారతీయ జనతా పార్టీ భద్రాద్రి కొత్తగూడెం జిల్లా ఆధ్వర్యంలో నిరసన కార్యక్రమం నిర్వహించారు. ఈ సందర్భంగా ముఖ్యమంత్రి రేవంత్ రెడ్డి దిష్టిబొమ్మను దహనం చేసి నిరసన వ్యక్తం చేశారు.

శ్రీరాముడిని ధనికుల దేవుడిగా, పరమశివుడిని పేదల దేవుడిగా అభివర్ణించడం హిందువుల మనోభావాలను దెబ్బతీసే విధంగా ఉందని బీజేపీ నాయకులు పేర్కొన్నారు. దేవుళ్లను ఆర్థిక వర్గాల పేరుతో విభజించి మాట్లాడటం సరికాదని అన్నారు.

దక్షిణ అయోధ్యగా ప్రసిద్ధి చెందిన భద్రాచల శ్రీరామచంద్రస్వామి కొలువై ఉన్న తెలంగాణ రాష్ట్ర ముఖ్యమంత్రిగా రేవంత్ రెడ్డి భక్తుల విశ్వాసాలను గౌరవిస్తూ బాధ్యతాయుతంగా వ్యవహరించాలని డిమాండ్ చేశారు.

ముఖ్యమంత్రి రేవంత్ రెడ్డి తక్షణమే తన వ్యాఖ్యలను ఉపసంహరించుకొని, హిందువులకు బేషరతుగా బహిరంగ క్షమాపణ చెప్పాలని భారతీయ జనతా పార్టీ భద్రాద్రి కొత్తగూడెం జిల్లా అధ్యక్షులు బైరెడ్డి ప్రభాకర్ రెడ్డి డిమాండ్ చేశారు

మండల విద్యాశాఖ అధికారిగా బెక్కంటి సేవలు అభినందనీయం

మండల విద్యాశాఖ అధికారిగా బెక్కంటి శ్రీనివాసరావు అందించిన సేవలు అభినందనీయమని పలువురు విద్యాశాఖ అధికారులు, ప్రధానోపాధ్యాయులు, ఉపాధ్యాయ సంఘాల నాయకులు కొనియాడారు. ఈ నెల 30న ఆయన పదవీ విరమణ చేయనున్న సందర్భంగా భద్రాచలం మండల విద్యా వనరుల కేంద్రంలో సోమవారం ఘనంగా సన్మాన కార్యక్రమాన్ని నిర్వహించారు.

కార్యక్రమానికి ప్రభుత్వ ఉన్నత పాఠశాల కాంప్లెక్స్ ప్రధానోపాధ్యాయులు జి. జాన్సన్ సభాధ్యక్షత వహించారు. ఈ సందర్భంగా ఆయన మాట్లాడుతూ.. మండల విద్యాశాఖ అధికారిగా బెక్కంటి శ్రీనివాసరావు చక్కటి పరిపాలన అందించారని, విద్యారంగ అభివృద్ధికి ఆయన చేసిన కృషి ప్రశంసనీయమని అన్నారు. విధి నిర్వహణలో అంకితభావంతో పనిచేసి ఉపాధ్యాయులు, విద్యార్థులకు అందుబాటులో ఉంటూ తనదైన ముద్ర వేశారని పేర్కొన్నారు.

మాజీ మండల విద్యాశాఖ అధికారి టి. రమ మాట్లాడుతూ బెక్కంటి శ్రీనివాసరావు సేవలు చిరస్మరణీయమని అన్నారు. ముఖ్యంగా మండలంలో కేవలం రెండు నెలల వ్యవధిలో ఎఫ్‌ఎల్‌ఎన్‌ (FLN) కార్యక్రమాలను విజయవంతంగా అమలు చేయడంలో ఆయన చేసిన కృషి అమోఘమని ప్రశంసించారు. విద్యార్థుల ప్రాథమిక అక్షరాస్యత, సంఖ్యా పరిజ్ఞానం పెంపొందించే కార్యక్రమాల అమలులో ఆయన చొరవ అభినందనీయమని తెలిపారు.

ఈ సందర్భంగా బెక్కంటి శ్రీనివాసరావును శాలువా, పుష్పగుచ్ఛాలతో సత్కరించి ఘనంగా అభినందించారు. పదవీ విరమణ అనంతరం ఆయన సుఖసంతోషాలతో, ఆరోగ్యంగా జీవించాలని ఆకాంక్షించారు.

కార్యక్రమంలో కుర్రాజులగుట్ట జడ్పీ ఉన్నత పాఠశాల ప్రధానోపాధ్యాయులు పి. లక్ష్మీనారాయణ, జిల్లా పరిషత్ బాలికల ఉన్నత పాఠశాల ప్రధానోపాధ్యాయురాలు టి. రమ, యూపీఎస్ జగదీష్ కాలనీ ప్రధానోపాధ్యాయులు రాజా శ్రీనివాస్, వివిధ ఉపాధ్యాయ సంఘాల ముఖ్య నాయకులు, ప్రైవేటు పాఠశాలల ప్రతినిధులు, ఉపాధ్యాయులు తదితరులు పాల్గొన్నారు.`

వృద్ధులను గౌరవించడం ప్రతి ఒక్కరి బాధ్యత

మహిళా శిశు సంక్షేమ, వయోవృద్ధుల మరియు వికలాంగుల సంక్షేమ శాఖ ఆధ్వర్యంలో భద్రాచలం  టి.ఎస్.జి.ఆర్.ఈ.ఏ. ఉద్యోగుల విశ్రాంతి భవనం నందు అంతర్జాతీయ వయోవృద్ధుల దినోత్సవాన్ని పురస్కరించుకుని అవగాహన కార్యక్రమం నిర్వహించారు.

ఈ సందర్భంగా DHEW DMC . సంతోష రూప మాట్లాడుతూ కుటుంబాల్లోని వృద్ధులను గౌరవంగా చూసుకోవాలని, వారిని ఎట్టి పరిస్థితుల్లోనూ అగౌరవపరచకుండా ప్రేమాభిమానాలతో ఆదరించాలని సూచించారు. వృద్ధుల పట్ల ప్రతి ఒక్కరూ బాధ్యతగా వ్యవహరించాలని తెలిపారు.

వృద్ధులకు ఏవైనా సమస్యలు ఎదురైతే టోల్‌ఫ్రీ నంబర్ 14567కు ఫోన్ చేసి సమాచారం అందించాలని సూచించారు. ప్రభుత్వం అందిస్తున్న సీనియర్ సిటిజన్ సేవలను వృద్ధులు సద్వినియోగం చేసుకోవాలని కోరారు.

వృద్ధుల హక్కులు, సంక్షేమం, భద్రతపై కుటుంబ సభ్యులు మరియు సమాజంలో ప్రతి ఒక్కరూ అవగాహన కలిగి ఉండాలని ఈ సందర్భంగా సూచించారు. వయోవృద్దుల సమ్రక్షణకి సంబందించిన ప్రతిజ్ఞ చేయించడం జరిగింది. ఆ తరువాత టి.ఎస్.జి.ఆర్.ఈ.ఏ. కార్యాలయం లో పేద ప్రజలకి అన్నదానం చేయడం జరిగింది.లోకల్ హాబిటాట్ ఫర్ హ్యూమానిటి సంస్థ వారు దీనికి సహకరించారు. అధ్యక్షులు జి.భూషణ రావు,జాయింట్ సెక్రటరి జి.వి.సత్యనారాయణ,ఉపాధ్యక్షులు వై.రామచంద్ర రావు, రాజేశ్వర రావు తదితరులు ఫాల్గొన్నారు. 

ఆదివాసీ హక్కుల పరిరక్షణ కోసం

 

భద్రాచలం ఆదివాసీ సమితి (BAS), ఆదివాసీ మహిళా చైతన్య శక్తి ఆధ్వర్యంలో *భద్రాచలం అల్లూరి సీతారామరాజు కాలనీలోని శ్రీ సమ్మక్క సారలమ్మ దేవాలయంలో* ఆదివాసీ హక్కుల కోసం నిర్వహించనున్న ధర్నాను విజయవంతం చేయాలని కోరుతూ సమావేశం నిర్వహించారు.

ఈ సందర్భంగా గుడి పెద్దలు *తాటి రుక్మిణి, సోడే సావిత్రి, జారే భద్రమ్మ, యాప బుజ్జమ్మ* ప్రత్యేక ఆదివాసీ సంప్రదాయ పద్ధతిలో పూజలు నిర్వహించి, ఆదివాసీ మార్చ్‌, ధర్నా విజయవంతం కావాలని ఆకాంక్షించారు.

*రేపు (సెప్టెంబర్ 21) తెలంగాణ రాష్ట్ర తుడుం దెబ్బ అధ్యక్షుడు డాక్టర్ మైపతి అరుణ్ కుమార్ గారి ఆధ్వర్యంలో* భద్రాచలం *బ్రిడ్జి సెంటర్ నుంచి PO ITDA కార్యాలయం వరకు ఆదివాసీ మార్చ్, ర్యాలీ అనంతరం ధర్నా* నిర్వహించనున్నట్లు నాయకులు తెలిపారు.

ఈ సందర్భంగా ఆదివాసీ నాయకులు మాట్లాడుతూ *ఆదివాసీల హక్కులు, భూమి–అటవీ హక్కుల పరిరక్షణతో పాటు 1/70 చట్టం, PESA చట్టం, షెడ్యూల్డ్ ఏరియా చట్టాలు, అటవీ హక్కుల చట్టం–2006 సమర్థవంతంగా అమలు చేయాలని* డిమాండ్ చేశారు.

అలాగే *ఆదివాసీ అభివృద్ధికి కీలకమైన ITDAలను మరింత పటిష్టపరచాలని, ITDA పరిధిలోని ఉద్యోగాలను ITDA ద్వారానే భర్తీ చేయాలని*, విద్య, వైద్యం, రహదారులు, మౌలిక వసతుల కల్పనపై ప్రభుత్వం ప్రత్యేక దృష్టి సారించాలని కోరారు.

*“ఆదివాసీ హక్కులు – ఆదివాసీల భవిష్యత్తు కోసం ప్రతి ఒక్కరూ ఐక్యంగా కదలాలి. సెప్టెంబర్ 21న జరిగే ఆదివాసీ మార్చ్‌, ధర్నాలో ఆదివాసీ ప్రజలు, యువత, మహిళలు పెద్ద సంఖ్యలో పాల్గొని విజయవంతం చేయాలి”* అని నాయకులు పిలుపునిచ్చారు.

ఈ కార్యక్రమంలో *కొండ్రు సుధారాణి, కుంజా సంతోష్, కొర్సా చినబాబు దొర, వీసాల కృష్ణయ్య, కణితి రాధ, వీసాల ఉమాదేవి, మిడియం నాగమణి, శీలం దుర్గ, కెచ్చెల భవానీ, శీలం రాజారావు, సోయం మంగవేణి, ఉయిక వెంకటలక్ష్మి, సవలం రాధ, సవలం దుర్గ, అట్టం కమల* తదితర ఆదివాసీ నాయకులు పాల్గొన్నారు.